بنـــــاتيــــن
 
الرئيسيةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 أإآحلى كشري<< على طريقه ~فيريرو~

اذهب الى الأسفل 
كاتب الموضوعرسالة
˜فيريرو˜    
عضو جديد


انثى عدد الرسائل : 15
تاريخ التسجيل : 14/11/2008

مُساهمةموضوع: أإآحلى كشري<< على طريقه ~فيريرو~   27/11/2008, 7:54 am

السلام عليكم والحمه


اليوم جايبه لكم طبخه انا عن نفسي اموت عليها
بطريقتي وصنع يديني


يلا نبدأ

اول شي نجيب عدس اسود ننقيه ونسلقه على نارهاديه لما يصير ينهرس بسهوله بس مو مره يكون مستوي
نتركه على نار هاااديه


نجيب المعكرونه ونسلقها عادي ماي وملح وزيت وحبه ماجي
بعد ماينسلق ويخلص نحطه بالصفايه ونصفيه من الماي ونحتفظ بالماي اللي انسلق به المعكرونه والعدس<<
يعني توصوا بالماي لا يكون قليل يعني عدل لأنه بيتبخر واحنا بنحتاج للرز تقريبا3- 4 كاسات ماي
الكاسات اللي استخدمها كاسات جبن بوك الطويله


واذا نزل الماي كله نفس القدر اللي سوينا به المعكرونه نحط فيه شوييييييه زيت ونرجع المعكرونه ونقلبها عشان يوصل الزيت لكل المعكرونه ولا تلزق

الرز هو اللي يبيله بال طويل شوي بس مو صعب

ناخذ 3 مكاييل رز مصري
انا استعمل باديه الشوربه بمقياسي
نغسله زييين وننقعه بالماي الحلو ونتركه


نقطع بصلتين كبار تقطيع صغيير


وناخذ 3 بصلات ثانيه نقطعها شرايح ونجيب طحين ابيض ونرش عليه شوييييه ملح ونحط فيه البصل الشرايح ونقلبه بالطحين شوي لما يتغلف كله وبسرعه يكون الزيت حامي من قبل عشان بسرعه نقليه لأنه ان ماقليناه بسرعه يصير معجن

لما يخلص ويصير مثل كذا<< ـ





نجيب الشعيريه الكويتيه اللي تجي لفات كبيره شوي<< نكسرها ونقليها بعد البصل على طول لما يصير لونها ذهبي


طيب بعد مانخلص من قلي البصل والشعيريه
نحتفظ بالزيت

نبدأ بالرز

ناخذ من الزيت اللي قلينا به البصل والشعيريه عشان نحمس فيه الحمسه
نحطه بالقدر اللي بنسوي به الرز
ونخليه لما يحمي شوي ونحط عليه البصل ونحمسه شوي لما يصير ذهبي فاااااتح

ونحط عليه الشعيريه ونقلبه



بعد مانقلبه زين نحط عليه العدس




ونقلبه زين مازين لما يصير كذا



بعديييييييييييييييييين

نجيب الرز ونكبه عليه ونحركه مثل كذا



بعد مانحرك زين نقوم نجيب حبتين ماجي القديمه لاتاخذون الجديدات (((تكرم النعمه)) ـ

المهم

نحط الماجي ونحركه



نجيب الماي حق العدس والمعكرونه لازم يكون حار وناخذ منه 4 كاسات ونصبها على الرز



اذا احتاج اكثر مو مشكله نزيده ماي عادي مومشكله اذا ما يكفي ماي العدس والمعكرونه بس يكون حار
ونملح الرز حسب الرغبه


وبس نغطيه


معليه العروه مكسوره طاحت منييي
Razz Laughing Laughing Laughing
من زود السنع>>>



طيب نتركه على النار وعلى نار اوطى من الواطيه
مررره واطيه



ولا ننسى كل شوي نطل على الرز عشان ما يحترق من تحت نفتحه ونحركه اللي فوق ينزل والي تحت نطلعه فوق لا تخافون مايعجن بس لاتحركونه الا بعد مايشرب الماي زين يعني تحسونه لين ولا بيعجن حركوه

ونروح نجهز الصلصه حقته اللي هي:::::>> ـ

نجيب 9 طمامات حجمهم زين وسط يعني
و6 فصوص ثوم
وفلفل حارعلى حسب الرغبه
و3 ملاعق خل تفاح(( الخل والابيض مايخالف)) ـ



ونقطعهم ونحطهم بالخلاط ونفرمهم فرررم



ناخذ من الزيت اللي قلينا به البصل والشعيريه ونحط بقدر كميه وافيه مثل كذا



ونشعل النار ونخليه يقدح <<يعني يصير حااااار مره
لما يحمى عدل نجيب الطمام اللي خلطناه ونصبه عليه بس انتبهوا لأنه بيطيش مع الحراره
مثل كذا<< ـ




نحركه ونحط عليه ملح وفلفل اسود وكمون حسب الرغبه




ونخليه على نار عاديه مو عاليه ولا واطيه

بس ننتبه له

يصير كذا بعد فتره

هو احمر من كذا بس الكام ما ادري ايش فيه

واذا خلص خلاص يصير كذا


حتى هنا صاير بني هو احمر ناققع


بالاخير لما نرجع للرز نشوفه صار مفلفل وحلو مو معجن ولا شي وشكله يشهههييي Rolling Eyes Rolling Eyes اشتهيته

المهم هذا شكله





وبالاخير اذا جينا نقدمه نحط الرز قاعده والمعكرونه فوقه وفوقها البصل اللي قلييناه



عدل سابقا من قبل ˜فيريرو˜     في 30/11/2008, 1:27 am عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
˜فيريرو˜    
عضو جديد


انثى عدد الرسائل : 15
تاريخ التسجيل : 14/11/2008

مُساهمةموضوع: رد: أإآحلى كشري<< على طريقه ~فيريرو~   27/11/2008, 8:06 am

هذا مو شكله النهائي هذا بالقدر بس قبل حتى انكبه للتقديم
الشكل للتقديم مثل هذا هذي الصوره مو انا اللي مصورتها نسيت اصور الشكل النهائي مع الربكه

هذي الصوره>>>>>




اتمنى تسوونه ويعجبكم

وبالعااااااااااااااافيه سلفاً
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
& رفآيلو &
الإداره


عدد الرسائل : 30
تاريخ التسجيل : 05/11/2008

مُساهمةموضوع: رد: أإآحلى كشري<< على طريقه ~فيريرو~   27/11/2008, 8:30 am

تسلم يدتس اش هـ الفن يا منوله ههههههههههههههههه
يعطيتس ربي العافيه ع الكشري شكله لذيذون
تحيااااتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
˜فيريرو˜    
عضو جديد


انثى عدد الرسائل : 15
تاريخ التسجيل : 14/11/2008

مُساهمةموضوع: رد: أإآحلى كشري<< على طريقه ~فيريرو~   28/11/2008, 2:24 am

يسلمو مرورك يسعدني رفايلو
بسسسسسسسسسس Mad
من قالك اني منوله؟؟؟؟
انا اسمي مو منال silent
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
أإآحلى كشري<< على طريقه ~فيريرو~
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
بنات وبس  :: منــــتـــدى الصـــبآيــآ :: مطبخ بناتين-
انتقل الى: